फगुआ

गोरी गोरी गोरिया से लाली रे चुनरिया
लाली रे चुनरिया
लाली लाली बिंदिया से धानी रे अँचरिया
धानी रे अँचरिया
फगुआ भी गईल बौराईल हो रामा
फगुआ भी गईल बौराईल ही रामा
कौने ठइयाँ..!!

पिया निरमोहिया से बसे रे विदेशवा
बसे रे विदेशवा
नाहिं कोई चिठिया से नाहिं रे संदेशवा
नाहिं रे संदेशवा
अंगे अंगे पुरवा टाटाईल हो रामा
अंगे अंगे पुरवा टाटाईल हो रामा
कौने ठइयाँ...!!

बैरन कोयलिया से कुहू कुहू कुहुके
कुहू कुहू कुहुके
रतिया म मनवा से चिहुँ चिहुँ चिहुँके
चिहुँ चिहुँ चिहुँके
अँखियाँ में रतिया बीताईल हो रामा
अँखियाँ में रतिया बीताईल हो रामा
कौने ठइयाँ ...!!

कौने ठइयाँ झुमका हेराईल ही रामा!!"

~~~~~ सचिन रॉय "सहर" ~~~~~